Адам папилломасының вирусы
03.04.2020
Бұл тері жасушаларының геніне өз ДНҚ кірістіретін вирустардың кең тобы және жасушаларды қатты бөліседі.
Қазіргі заманның адамы вирустың сан түрлі болатынынан хабардар. Тірі ағзаның бойында өсіп-өніп, зиян келтіретін вирустардың ішінде онкоауруларды тудыратын папиллома вирустары бар.
Неміс ғалымы, профессор Харальд Зур Хаузен 2008 жылы адамның папиллома вирусының жатыр мойны қатерлі ісігінің пайда болуындағы рөлін дәлелдеп шыққан ғылыми-зерттеуі үшін Нобель сыйлығымен марапатталды. Өйткені қашанда сырқаттың салдарымен күрескеннен гөрі туу себебін анықтаған әлдеқайда тиімді. Әлемде жатыр мойнының қатерлі ісігі осы вирустың жұғуынан пайда болып, қаншама жасты гүлдей солдырды.
Жалпы, папиллома вирусының 100-ден астам түрі бар екені анықталған. Алайда, оның 14-і адам үшін қауіпті және жатыр мойны қатерлі ісігін ғана емес, сонымен қатар ауыз қуысының, анустың, жыныс мүшелерінің, сыртқы жыныс органдарының обырына алып келуі мүмкін, дейді зерттеуші ғалымдар.
вирустың жұғатын жолдары да әртүрлі. Соның ішінде тері және шырышты қабаттармен жанасқан сәттерде; тасымалдаушының жеке гигиеналық заттарын пайдалануда; науқастың киімін және аяқ киімін киюде; сауналар мен ванналарда немесе қоғамдық дәретханаларға барған кезде жұғу мүмкіндігі бар. Ең бір жиі жұқтырылу көзі – жыныстық жолмен берілуі екеніне баса мән берген жөн.
Бұл қор вирусқа тексерілген ( Соңғы тексерілген күн : )
