Емхана туралы

Маңғыстау облысы Денсаулық сақтау басқармасының шаруашылық жүргізу құқығындағы «№2 Жаңаөзен қалалық емханасы» мемлекеттік коммуналдық кәсіпорны 1982 жылы құрылып, пайдалануға берілді.

Емхананың орналасқан мекен-жайы: Жаңаөзен қаласы, Шаңырақ шағын ауданы, 48/4 құрылыс. Теңге кентіндегі екі дәрігерлік амбулатория Емхана құрамына кіреді.

1982 жылдан 2014 жылға дейін Емхана балаларға «Жаңаөзен қалалық балалар емханасы» ретінде көмек көрсетті. 2015 жылдың қаңтарынан бастап емхана ересектер мен балаларға медициналық көмек көрсетеді.

44 007 адамға қызмет көрсетеді, оның ішінде балалар саны – 17 515, жасөспірімдер саны – 2 152, ересектер саны – 24 340.

Емхананың миссиясы бекітілген халыққа дәрігерге дейінгі, білікті, мамандандырылған медициналық көмек, сондай-ақ медициналық-әлеуметтік көмек көрсету болып табылады, ол оңтайлы жайлылық және түсіністік жағдайында алдын алу, диагностика және емдеудің ұтымды түрлері мен әдістерін қолдану негізінде тұрақты әлеуметтік-демографиялық дамуды қамтамасыз ету үшін азаматтардың денсаулығын үнемі жақсартуға бағытталған.

Емхана өз қызметінде Қазақстан Республикасының Конституциясын, Қазақстан Республикасының «Халық денсаулығы және денсаулық сақтау жүйесі туралы»Кодексін, салалық нормативтік-құқықтық актілерді, Қазақстан Республикасының «Мемлекеттік кәсіпорын туралы» Заңын, ұйымның жарғысын басшылыққа алады.

Тегін медициналық көмектің кепілдік берілген көлемінің (бұдан әрі – ТМККК) шеңберінде халыққа медициналық көмек Қазақстан Республикасы Үкіметінің 2009 жылғы 15 желтоқсандағы № 2136 қаулысымен бекітілген Тегін медициналық көмектің кепілдік берілген көлемініңтізбесіне сәйкес ұсынылады.

ТМККК шеңберінде дәрі-дәрмекпен қамтамасыз ету Қазақстан Республикасы Денсаулық сақтау және әлеуметтік даму министрінің 2015 жылғы 22 мамырдағы № 369 бұйрығымен бекітілген Қазақстандық ұлттық дәрілік формулярды, белгілі бір аурулары (жай-күйлері) бар азаматтардың жекелеген санаттарын тегін және (немесе) жеңілдікпен амбулаториялық қамтамасыз етуге арналған дәрілік заттар мен медициналық бұйымдардың тізбесін қалыптастыру, сондай-ақ денсаулық сақтау ұйымдарының дәрілік формулярларын әзірлеу қағидаларыныңнегізінде және Қазақстан Республикасы Денсаулық сақтау министрінің 2017 жылғы 29 тамыздағы № 666 бұйрығымен бекітілген Тегін медициналық көмектің кепілдік берілген көлемі шеңберінде, дәрілік заттармен және медициналық бұйымдармен қамтамасыз етілуге, оның ішінде белгілі бір аурулары (жай-күйлері) бар азаматтардың жекелеген санаттарын, амбулаториялық деңгейде тегін және (немесе) жеңілдікпен берілетін дәрілік заттармен және медициналық бұйымдардың тізбесінесәйкес ұсынылады.Амбулаториялық емдеу барысында азаматтардың жекелеген санаттарына дәрі-дәрмектерді қосымша тегін ұсыну Маңғыстау облысы мәслихатының 2014 жылғы 30 шілдедегі № 18/276 шешімімен бекітілген Амбулаториялық емдеу барысында Маңғыстау облысындағы азаматтардың жекелеген санаттарына қосымша тегін ұсынылатын дәрі-дәрмектердің тізілімінесәйкес жүзеге асырылады.