Қызылшаның алдын қалай аламыз?

Аймағымызда қызылша ауруы белең алып отыр. Бұл кеселдің қалай және не үшін өрбитінін түсіну үшін мына мәліметтерге көз жүгіртейік: 

2000 жыл – 245;

2001 жыл – 94;

2002 жыл – 18;

2003 жыл – 24;

2004 жыл – 2204;

2005 жыл – 16 119;

2006 жыл – 109;

2007 жыл – 13;

2008 жыл – 20;

2009 жыл – бірде бір жағдай тіркелмеген;

2010 жыл – 4;

2011 жыл – 127;

2012 жыл – 55;

2013 жыл – 73;

2014 жыл – 321;

2015 жыл – 2351;

2016 жыл – 122;

2017 жыл – 2;

2018 жыл – 576.

Бұл ақпараттан көріп отырғанымыздай, 2005 жылы елімізде осы аурумен 16 119 адам ауырды. 2009 жылы керісінде ешбір дерек тіркелген жоқ.  Дәрігерлер аурудың асқынуын 1990 жылдардың басындағы екпе тапшылығымен байланыстырады. Сол кездері туылған қыздар ауруға қарсы мүлдем екпе алмаған. Кейін ана болғасын олардың нәрестелерінің қызылшаға қарсы тұратын иммунитеті де болған жоқ. Сол кездегі ауырған адамдардың 70 пайызы солардың емізулі балалары болатын.

1990 жылдардың ортасында екпе тапшылығы жойылды. Алайда ара тұра аурудың асқынуы кездесіп отыр. Дәрігерлер жағдайды ірі қалаларға жұмыс істеуге, оқуға, демалуға адамдардың, оның ішінде қызылша ауруын жұқтырғандардың көптеп келуімен байланыстырады.

Қызылшаның алдын қалай аламыз? 

Ең тиімді әдісі – екпе алу. Екпе бала бір жасқа толғаннан кейін үш айдың ішінде салынады. Одан соң алты жасында тағы салынады. Дәрігерлер екпе алмағандарға емханадан оны тегін салдыруға болатынын ескертеді.

Алдын алу шарасы ретінде бөлмені жиі желдетіп, ылғалды тазалау жұмыстарын жасау ұсынылады. Науқас адамның үйіне, ауру өршіп тұрғанда адам көп жерлерге бармауға кеңес беріледі. Халық көп шоғырланған орындарда маска киіп жүру көмектеседі.

Анар Жантілеуова

№2 ЖҚЕ қызметкері