Бауыр және өт жолының ауруы. Созылмалы гепатит.

Созылмалы гепатит бауыр тоқымаларының ұзақ уақыт тоқтаусыз ісінуі, яғни бауыр тоқмаларының зақымдану процессін айтамыз. Созылмалы гепатитті уақытында  емдесе, тамақ режимін сақтаса, науқас жақсы болады. Егер ауруды уақытында емдемесе, ауру асқынып цирроз ауруына өтеді. Созылмалы гепатиттің пайда болуына бірқатар себептер бар. Ол көбіне жұқпалы аурудан соң пайда болады. Мысалы, сары ауру, малерия, туберкулез, бурцеллез, сифилис ауруынан соң пайда болады. Бұдан басқа созылмалы гепатит ұзақ уақыт спиртті ішімдікті ішу арқылы организмнің әртүрлі улы заттармен улану нәтижесінде пайда болады және де  ағзаға дәрумендердің жетіспеуі нәтижесінде пайда болады. Созылмалы гепатитте оң қабырға асты ауырады, тәбеті жоғалады, адамның аузында ащы дәм пайда  болады, құсады, іші желдеседі, іші қатуы мүмкін, кейде іші өтіп кетуі мумкін. Денесі қышып, аурудың беті, көзі сарғыш болады. Тілдің үстінде ақ-сары заттар пайда болады. Бауыр, талақ үлкейіп кетеді. Анализді тексергенімізде, қан құрамындағы ферменттер көп екендігі анықталады. Билирубин, адалаза көп болады. Науқас адам тамақ режимін қатаң сақтауы керек. Бұндай ауруда ащы, қуырылған майлы тамақтар, уксус, майонез қосылған тамақтар, тұзы көп тамақтарды ішуге болмайды. Сүтті тағамдар, жеміс-жидектер беріледі. Витаминдер беріледі. Тамақ режимі адам өмірінде үлкен роль атқарады, дұрыс тамақтану, зиянды нәрселерден аулақ болу, сіздің узақ өмір сүруге деген құлшынысыңыз болып табылады. Өз денсаулығыңызды бағалай  отырып, оған жауапкершілікпен қарау сіздің міндетіңіз.