Каз

ГКП на ПХВ «ЖГП №2» Государственное коммунальное предприятие на праве хозяйственного ведения «Жанаозенская городская поликлиника № 2»

Регистратура: 8 (72934) 71-5-76

Приемная руководителя: 8 (72934) 72-1-89

Call-центр: 8 (72934) 92-3-75

Приемный покой: 8 (72934) 92-9-12

Портал «Бюро госпитализации»: 8 (72934) 93-3-09

Главная
МІНДЕТТІ ӘЛЕУМЕТТІК МЕДИЦИНАЛЫҚ САҚТАНДЫРУДЫҢ ЖАҢА ЕРЕЖЕСІ ЕНГІЗІЛДІ

МІНДЕТТІ ӘЛЕУМЕТТІК МЕДИЦИНАЛЫҚ САҚТАНДЫРУДЫҢ ЖАҢА ЕРЕЖЕСІ ЕНГІЗІЛДІ

04.11.2022

Міндетті әлеуметтік медициналық сақтандыру бойынша ұсынылатын қызметтер қатары жыл санап ұлғайып келеді. Сақтандыру заңына да өзгерістер енгізіліп отырады. Мысалы биыл 12 айға бірден жарна төлесе, бұрынғы кезеңге төлем жүргізбегеніне қарамастан сақтандыруы іске қосылады. Теңге ауылының тұрғындарымен кездескен арнайы өкіл 15 қыркүйек пен 15 қараша аралығында емханаға тіркелу науқаны жүргізіліп жатқанын хабарлады. Сондықтан әрбір адам өзіне ыңғайлы медициналық мекемені таңдай алады.

Шарада мамандар тұрғындар тарапынан қойылған сұрақтарға жауап берді. Бірі сақтандыру бойынша көрсетілетін қызмет түрлерін сұраса, екіншісі тегін дәрі-дәрмектің уақытылы берілмейтіндігін айтты.

Жауаптылардың айтынша, дәрі-дәрмек баршаға жаппай тегін берілмейді. Ол денсаулық сақтау министрінің бұйырығына сәйкес, кейбір ауру түрлерімен науқас болғандарға ғана тиесілі. Сонымен қатар, күрделі ота түрлерін осы сақтандыру арқылы ақысыз жасатуға болады. Өзге де сұрақтар бойынша 1406 call орталығына хабарласып білуге болады деді мамандар.