СЫНАҚТАН СҮРІНБЕЙ ӨТЕЙІК

Су тасқынына байланысты еліміздің Абай, Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстарында төтенше жағдай жарияланды. 

Қазақ елі қазіргі таңда қиын күндерді бастан өткеріп жатыр. Дегенмен мемлекет басшысы өз үндеуінде жағдайдың бақылауға алынғанын, осы мәселе бойынша арнайы штаб құрылғандығын мәлімдеді. Ең алдымен, адам қауіпсіздігі басты назарда екенін жеткізді. Сонымен қатар, зардап шеккендерге барлық жағынан көмек берілетіндігін баса айтты. 

Қазір төтенше жағдайлар министрлігінің қызметкерлері мен өзге де мемлекеттік органдар апат аймақтарында жұмыс жасап жатыр. Оған қоса, ондаған мың ерікті азамататтар көмек қолын созуда. Сондықтан бұл қиындықтан да қазақ жұрты аман-есен шығады деген ойдамыз. Бір-біріне жанашырлық таныта білетін халқымыз қолғабыс жасап, қайырымды істерімен қамқорлық көрсетіп жатыр. Барша қазақ елі осы қалпынан танбай, сабырлықпен әрекет етсе бұл сынақтан да сүрінбей өтетінімізге сенімдіміз.